अन्य सेवा प्रदायकले हाम्रो पूर्वाधारमा क्षति पुर्‍याए : नेपाल टेलिकम

सामाजिकपत्र

2.2K

अन्य सेवा प्रदायकले हाम्रो पूर्वाधारमा क्षति पुर्‍याए : नेपाल टेलिकम

काठमाडौँ- विगत केही समय यता आफ्ना पूर्वाधारहरूमा क्षति पुर्‍याउने कार्य निरन्तर रूपमा जारी रहेको नेपाल टेलिकमले जनाएको छ । रोल्पा जिल्लाको परिवर्तन गाउँपालिकामा अवस्थित नेपाल टेलिकमको कुरेली साइटमा अन्य दूरसञ्चार सेवा प्रदायकका प्राविधिकबाट क्षति पुर्‍याइएको कम्पनीले जनाएको हो ।

प्रवक्ता शोभन अधिकारीका अनुसार टेलिकमको टावरदेखि २० मिटर नजिकै अन्य सेवा प्रदायकको समेत टावर निर्माण गरिएको कारण नेपाल टेलिकमको सोलार प्यानलमा अवरोध भइरहेको थियो । केही दिन पहिले सोलार पावर सिस्टमको तार समेत काटी क्षति पुर्‍याइएको थियो ।

‘सो सन्दर्भमा नेपाल टेलिकमका प्राविधिकहरूले प्रमाणसहित गाउँपालिकामा जानकारी प्रस्तुत गरेकोमा गाउँपालिकाको रोहवरमा दुवै पक्षका बीच छलफल गरिएको थियो,’ अधिकारीले विज्ञप्तिमा भनेका छन्, ‘परिवर्तन गाउँपालिकाका अध्यक्ष शुकबहादुर बुढामगर र प्रमुख प्रशासकीय अधिकृत प्रेम जीएम लगायत दुवै पक्षका बीचमा गत शुक्रबार भएको छलफलमार्फत आगामी दिनमा सार्वजनिक सम्पत्तिको दुरुपयोग गर्ने यस्ता कार्य नदोहोर्‍याउने सहमति भएको छ ।’

भविष्यमा यस्ता गतिविधि दोहोरिएमा प्रचलित कानुन बमोजिम आवश्यक प्रक्रिया अगाडि बढाइने चेतावनी टेलिकमले दिएको छ ।

सामाजिकपत्र

लेखकबाट थप

सोमवार, श्रावण २९ २०८००५:०९:१२

ताजा अपडेट

सिफारिस

सम्बन्धित समाचार

यो देशमा बाँच्न देऊ

एउटा भाइरल भिडियोले खोसेको एउटा फूलजस्तो जीवन

बिरगञ्जमा बन्धक बनाइएकी किशोरीको उद्धार

महिला मन्त्रालयको सहयोगमा पुरुषको कपाल काट्ने तालीम सम्पन्न

सोसाइटी इन्टरनेसनल मिडिया एण्ड मार्केटिङ्ग प्रा. लि . द्वारा संचालित अनलाइन पत्रिका सामाजिक पत्र डट कम (www.samajikpatra.com)

सूचना तथा प्रसारण विभाग दर्ता न: ९९४/०७५-७६

पुन: दर्ता नं: १९३४/०७६-०७७

हाम्रो टिम

प्रधान सम्पादक : विकास भट्टराई सम्पादक : विनोद भट्टराई प्रबन्ध निर्देशक : कमल पोखरेल
सम्वाददाता: बसन्त देवकोटा

सम्पर्क

कार्यालय : तर्केश्वोर -१० काठमाडौँ
स्थायी लेखा नम्बर :६०६६२२४९५
कम्पनि दर्ता : १९६५०९/०७५-०७६
सम्पर्क नम्वर : ९८४१८०८१३३
Email : [email protected]
[email protected]
[email protected]