‘संसद् विघटन गर्नेले नै चल्न दिएनन्’ - प्रधानमन्त्री प्रचण्ड

सामाजिकपत्र

2.3K

‘संसद् विघटन गर्नेले नै चल्न दिएनन्’ - प्रधानमन्त्री प्रचण्ड

काठमाडौं- प्रधानमन्त्री पुष्पकमल दाहालले सरकार भ्रष्टाचारविरुद्ध सक्रिय भएर लागे पनि संविधानलाई अल्मल्याउने (डिरेल) गतिविधि भइरहेको बताएका छन्। प्रधानमन्त्री निवास बालुवाटारमा मंगलबार दिउँसो प्रमुख सञ्चारमाध्यमका सम्पादकहरूसँग कुरा गर्दै प्रधानमन्त्री दाहालले संसद् सुचारु गर्नका लागि प्रमुख दलहरूबीच पटकपटक प्रयास र सहमति भए पनि कार्यान्वयन नभएको गुनासो गरे।

‘संविधानलाई डिरेल गर्ने, सरकार चल्न नदिने र यसलाई अन्यत्र लैजाने मनसायले काम गरेजस्तो देखिएको छ,’ दाहालले भने, ‘हिजो पटकपटक संसद् अवरुद्ध गरियो, आज संसद् चल्न दिइएको छैन।’

हिजो संसद् विघटन हुँदा सडकबाट समेत त्यो संविधानअनुसार छैन भनेको उल्लेख गर्दै दाहालले अहिले संसद् चलाउन विपक्षीसँग प्रक्रियाबाट बाहिर गएर समेत सहमति गरेको बताए। संसद् चल्छ भनेर आफूले प्रमुख विपक्षी नेकपा एमालेसँग वार्ता गरे पनि उसले सहमति भंग भएको गुनासो दाहालको थियो।

नेपाली कांग्रेसका सभापति शेरबहादुर देउवा, एमाले अध्यक्ष केपी शर्मा ओली र आफूसहित भएर गरेको वार्ताअनुसार अहिलेसम्म विपक्षीलाई नदिइएका संसद्का तीन समितिका सभापतिमा समेत दिइएको जानकारी उनले दिए।

‘हामीले धेरै लचिलो भएर सम्झौता ग¥यौं संसद् खुल्छ भनेर तर खुलेन,’ उनले भने, ‘हिजोको विघटनको मानसिकता प्रकट भएको देखिएको छ।’ यो समाचार आजको नागरिक दैनिकमा प्रकाशित छ।

सामाजिकपत्र

लेखकबाट थप

बुधवार, श्रावण ३१ २०८०१२:२३:२३

ताजा अपडेट

सिफारिस

सम्बन्धित समाचार

प्रगतिशील शक्ति एकजुट हुनुपर्छ : प्रचण्ड

पूर्वप्रधानमन्त्री देउवाका छोरा जयवीरलाई ७ दिनभित्र उपस्थित हुन सम्पत्ति शुद्धीकरणको पत्र

ज्येष्ठ सदस्य अर्जुननरसिंह केसीले गरे पदभार ग्रहण

टिकट वितरणमा ‘आर्थिक चलखेल’ भएको तथ्य देखाउँदै रास्वपा नवलपरासी सभापति महेन्द्र सेन ठकुरी कांग्रेस प्रवेश

सोसाइटी इन्टरनेसनल मिडिया एण्ड मार्केटिङ्ग प्रा. लि . द्वारा संचालित अनलाइन पत्रिका सामाजिक पत्र डट कम (www.samajikpatra.com)

सूचना तथा प्रसारण विभाग दर्ता न: ९९४/०७५-७६

पुन: दर्ता नं: १९३४/०७६-०७७

हाम्रो टिम

प्रधान सम्पादक : विकास भट्टराई सम्पादक : विनोद भट्टराई प्रबन्ध निर्देशक : कमल पोखरेल
सम्वाददाता: बसन्त देवकोटा

सम्पर्क

कार्यालय : तर्केश्वोर -१० काठमाडौँ
स्थायी लेखा नम्बर :६०६६२२४९५
कम्पनि दर्ता : १९६५०९/०७५-०७६
सम्पर्क नम्वर : ९८४१८०८१३३
Email : [email protected]
[email protected]
[email protected]