गोरखा, १६ असार । गोरखाको भीमसेन थापा गाउँपालिकाले जेष्ठ तथा असक्त नागरिक घरदैलो स्वास्थ्य सेवा कार्यक्रमको सुरुवात गरेको छ ।
गाँउपालिका अध्यक्षमा निर्वाचित भएपछि अध्यक्ष लोक प्रसाद बञ्जराले पालिका भित्रका जेष्ठ नागरिक असाहाय तथा विपन्न व्यक्तिहरुको घर घरमा पुगेर निशुल्क स्वास्थ्य उपचार घोषणा गर्नु भएको थियो ।
सोही घोषणा अनुरुप गाँउपालिकाले ‘गाउँ टोल घर घरमा स्थानीय सरकार’ भन्ने मूल नाराका साथ जेष्ठ तथा असक्त नागरिक घरदैलो स्वास्थ्य सेवा कार्यक्रमको सुरुवात गरको हो ।
गाँउपालिकाको आयोजनामा आज वडा नंं ३ स्थित मानव सेवा आश्रम (बुढी गण्डकी वृद्धाश्रम) बाट कार्यक्रमको सुरुवात गरिएको अध्यक्ष बञ्जाराले जानकारी दिनुभयो ।
कार्यक्रमलाई सम्बोधन गर्दै अध्यक्ष बञ्जाराले पालिका भित्र रहेका अशाय, अशक्त भए व्यक्तीको सहारा स्थानीय सरकार हुने र हुन पर्ने बताउनु भयो । ‘कोही अभाव, तनावमा छ भने उसको अभाव परिपूर्ती गर्न स्वायम उसँग बल, बृद्धि र श्रम हुन्छ,’ उहाँले भन्नुभयो ‘ कहाँ के नमिलेर उ त्यो गरिबि, भोकमरीमा परिरहेको हो उसलाई अघि बढाउन काम र माम जुटाएर सहयोग गर्नु पर्छ ।’
साथै बरोजगारीलाई रोजगारीको अवसर सिर्जना गर्न आफुहरु लागी परिरहेको उहाँको भनाई छ । उहाँले यो कार्यक्रमलाई व्यवस्थित गरि लैजान आफुले सकेको प्रयास गर्ने बताउनु भएको छ । आजदेखी सुरु गरिएको कार्यक्रमलाई नियमित तथा मासिक रुपमा पालिका भित्रका ८ वटै वडामा सञ्चालन गरिने जनाएको छ ।
