काठमाडाै- गाेरखाकाे बारपाक सुलिकोट गाउँपालिका वडा न २ बारपाकको मान्द्रे क्षेत्रमा उत्पादीत अर्गानिक तरकारी गोरखा बजारमा बिक्रीका लागि ल्याउने भएको हो ।बारपाकबासीले तरकारी पठाउनका लागि अहिले बारपाक ग्रामिण बजार तथा संकलन केन्द्रको समेत स्थापना गरीसकेको छ ।
केन्द्रले हुईचे, अलगम, मान्द्रे र दरगाउँ थैलीडाँडा कृषक समूहबाट उत्पादित अर्गानिक तरकारी गोरखा बजारमा पठाउन लागेको संकलन केन्द्रका अध्यक्ष मनबहादुर गुरुङले बताए । यस ठाउमा गोलभेडादेखी काँक्रोसम्म उत्पादन हुन्छ। उत्पादीत अर्गानिक तरकारी पहिलो पटक बिक्रीका लागि गोरखा बजार पठाउन लागेका हौ ।
केन्द्रले शुक्रबारदेखी तरकारी संकलन गर्ने र शनिबार गोरखा बजार पठाउने तयारी थालेको संकलन केन्द्रका अध्यक्ष गुरुङले बताए ।तरकारीहरू जस्तै गाेलभेडा, काउली, बन्दा, सिमी, घिरौला, खुर्सानी, काक्रो, फर्सी, लौका, कागती, चिचिन्डा, भेन्टा अादि र फलफुलहरूमा अब्बा, निवुवा, कागती, केराहरु उत्पादन हुने गर्दछ ।
बारपाक सुलिकोट गाउँपालिका अध्यक्ष बिण्णुप्रसाद भट्टका अनुसार सो क्षेत्रमा उत्पादन भएका तरकारीलाई आयआर्जन तथा पर्यटन संग जोडन सकिएको खण्डमा किसानहरुको आर्थिक आयआर्जन बृद्वि सम्भव भएको बताए ।
संकलन केन्द्र बारपाक सुलिकोट गाउँपालिका बारपाक रहेएकाे केन्द्र पालिका अध्यक्ष बिण्णुप्रसाद भट्टले उदघाटन गर्दै गर्दा उनले भने गाउँपालिकाले ल्याएको नीति तथा कार्यक्रममा किसानहरुलाई ब्यवसायीक बनाउदै उत्पादन बृद्विमा जोड दिइएको छ । ‘उत्पादीत तरकारी बिक्रीको आधारमा किसानलाई समर्थन मुल्यमा थप ५ प्रतिशत रकम पालिकाले अनुदान उपलब्ध गराउने तरकारी मूल्या पनि ताेकिएकाे छ ।गाउँपालिकाले किसानलाई दिने अनुदान रकम भने किसानको ब्यक्तिगत खातामा बर्षको २ पटक जम्मा गरिदिने ब्यवस्था गाउँपालिकाले मिलाएको बताएका छन्।
