कोरोनाविरुद्धको बुस्टर डोज लगाउन आग्रह

सामाजिकपत्र

4.3K

काठमाडौँ। स्वास्थ्य तथा जनसङ्ख्या मन्त्रालयले कोरोना भाइरसका सङ्क्रमण बढिरहेकाले सबैलाई अतिरिक्त मात्रा (बुस्टर डोज) लगाउन आग्रह गरेको छ।

मन्त्रालयका प्रवक्ता डा सञ्जयकुमार ठाकुरले सङ्क्रमण छिमेकी भारत र चीनमा बढिरहेकाले सबैलाई बुस्टर डोज लगाउन आग्रह गरेका हुन्।

छिमेकी मुलुकमा देखिएको बिएफ–७ नामक प्रजातिको नयाँ भेरियन्ट खुला सिमानाका कारणले नेपालमा भित्रिन सक्ने भएकाले सजगता अपनाउनसमेत मन्त्रालयले आग्रह गरेको छ। नेपालमा हालसम्म नयाँ प्रजातिको बिएफ–७ नामक भाइरस देखिएको छैन।

मन्त्रालयले पहिलो र दोस्रो मात्रा खोप लगाएका व्यक्तिले अनिवार्यरूपमा बुस्टर डोज लगाउन भनेको छ। सरकारले बुस्टर डोजका लागि भने खोप ल्याउने तयारी गरेको छ।

पन्ध्र लाख मात्रा खोप ल्याइँदै

मन्त्रालयका प्रवक्ता डा ठाकुरले १५ लाख मात्रा बुस्टर डोज खोप ल्याउन थालिएको जानकारी गराएका छन्। कोभ्याक्स सुविधाअन्तर्गत सम्झौता गरिएको ९२ लाख मात्रा खोपमध्ये ३७ लाख मात्रा ल्याइसकेको छ। अब त्यही बाँकी रहेको मध्ये १५ लाख मात्रा खोप बुस्टर डोजका लागि ल्याउन थालिएको हो।

सम्झौता गरिएको खोपमध्ये दुईपटक गरेर ३७ लाख मात्रा खोप भने स्वदेश आइसकेको छ। यस्तै मन्त्रालयले सङ्क्रमणबाट जोगिन अनिवार्य मास्क प्रयोग गर्न, भौतिक दूरी कायम गर्न, साबुन पानीले हात धुन वा स्यानिटाइजर नियमित प्रयोग गर्नसमेत आग्रह गरेको छ।

सामाजिकपत्र

लेखकबाट थप

आइतवार, पौष १० २०७९१०:५४:१५

ताजा अपडेट

सिफारिस

सम्बन्धित समाचार

भारतका १६ राज्यमा फैलियो कोरोना संक्रमण !

सातै प्रदेशमा क्यान्सर, मुटु र जलन उपचार सेवा बिस्तार गछौँ : मन्त्री पौडेल

अस्पतालमा दुई सिफ्ट ओपीडी चलाउनू : स्वास्थ्यमन्त्री प्रदीप पौडेल

दादुरा–रुवेलाविरुद्ध खोप अभियान, चैत ७ सम्म चल्ने

सोसाइटी इन्टरनेसनल मिडिया एण्ड मार्केटिङ्ग प्रा. लि . द्वारा संचालित अनलाइन पत्रिका सामाजिक पत्र डट कम (www.samajikpatra.com)

सूचना तथा प्रसारण विभाग दर्ता न: ९९४/०७५-७६

पुन: दर्ता नं: १९३४/०७६-०७७

हाम्रो टिम

प्रधान सम्पादक : विकास भट्टराई सम्पादक : विनोद भट्टराई प्रबन्ध निर्देशक : कमल पोखरेल
सम्वाददाता: बसन्त देवकोटा

सम्पर्क

कार्यालय : तर्केश्वोर -१० काठमाडौँ
स्थायी लेखा नम्बर :६०६६२२४९५
कम्पनि दर्ता : १९६५०९/०७५-०७६
सम्पर्क नम्वर : ९८४१८०८१३३
Email : [email protected]
[email protected]
[email protected]