नेपाली कांग्रेसका महामन्त्री डा. शशांक कोइरालाले आफूले मात्र मात्र शेरबहादुर देउवालाई पराजित गर्न सक्ने दाबी गरेका छन् ।
आसन्न १४ औं महाधिवेशनमा पार्टी सभापतिका लागि अरु नेताहरुको दावी रहे पनि आफू सभापतिको उम्मेदवार भए मात्रै देउवालाई लाई पराजित गर्न सकिने उनले बताएका छन् ।
न्यूज एजेन्सी नेपालसँग कुरा गर्दै कोइरालाले वरिष्ठ नेता रामचन्द्र पौडेलले पनि सभापतिमा देउवालाई पराजित गर्न नसक्ने बताउदै देउवालाई पराजित गर्ने ग्यारेण्टीका साथ आफ्नो दाबी सभापतिमा रहेको उनले बताए ।
संस्थापन इतरको समूहमा धेरै नेताहरुको सभापतिमा दाबी रहेको भन्दै उनले रामचन्द्र पौडेल, कृष्णप्रसाद सिटौला, प्रकाशमान सिंहको सबै मिलेर एक जना उम्मेदवार बन्नुपर्ने धारणा राखेका थिए ।
‘व्यक्तिगत हिसाबले भन्नुहुन्छ भने शेरबहादुरजीलाई हराउने कोही व्यक्ति छ भने त्यो म नै हुँ । रामचन्द्र दाइले पनि सक्नुहुन्न । अरुले पनि सक्दैन’ उनले भने, ‘ग्यारेण्टीका साथ भन्छु शेरबहादुरजीलाई हराउने व्यक्ति म बाहेक अरु छैन ।’
उनले पार्टीमा मनोमानी गरेको भन्दै देउवाको आलोचना समेत गरेका छन्। महाधिवेशन नजिकिँदै गर्दा भोटका लागि विभाग गठन गरेको र विधान विपरित भयो भनेर आफूहरुले विरोध गर्दा नसुनेको भन्दै उनले महाधिवेशनबाट यसको जवफ दिनुपर्ने बताए ।
कोइरालाले भने, ‘उहाँले मनोमानी गर्नुभयो । हाम्रो विरोध पनि सुन्नु भएन । महाधिवेशन आउँछ त्यसमा निर्णय गर्नुपर्यो । किनकी अरु विकल्प छैन ।’
