नेपाल कम्युनिष्ट पार्टी (नेकपा)का प्रवक्ता नारायणकाजी श्रेष्ठ (प्रकाश)ले चाकडीवाजहरुले प्रशँसा र भजन मात्रै गाएर नेता र पार्टी डुबाउने बताएका छन्।
सामाजिक सन्जाल फेसबुकबाट आफ्नो धारणा सार्वजनिक गर्दै प्रबक्ता श्रेष्ठले लोकतान्त्रिक पद्धति अन्तर्गत काम गर्दा केही प्रकृयागत ढिलाई हुन सक्नेभन्दै बिचार सुन्ने सहिष्णुता र छलफल गर्ने धैर्यता लोकतन्त्रमा चाहिने बताएका छन्।
निरङ्कुश तानाशाही तन्त्र छलफलको “झञ्झट“ बाट मुक्त र छिटो काम हुने ब्यबस्था लाग्न सक्छ। तर लोकतन्त्र नै उत्तम हुन्छ,निरङ्कुशतन्त्र होइन उनले फेसबुक स्टाटसमा लेखेका गरेका छन्।
हेरौ उनको स्टाटस
आलोचनात्मक चेत भएका साँच्चैका हितैषी हरुले आफुले ठिक नदेखेको कुरा समयमै भन्छन् र गल्ति गर्न वा पतनबाट बचाउँछन् ,जवकी निहीत स्वार्थ केन्दृत अन्ध चाकडीवाजहरुले प्रशँसा र भजन मात्रै गाँउछन् र डुवाउछन् ।त्यसैले आलोचनात्मक चेत भएका मित्रहरुमा भर गरौं, स्वार्थी अन्ध प्रशंसकमा होइन।
बिचार सहितको विवेक भएकाहरु मुर्खले जस्तो सुर्याइँ नदेखाउन सक्छन् र निर्णय एवं कार्य गर्नु अघि सँशयकारी जस्ता देखिन सक्छन् ।तर बिचार सहितका विवेकी हरु नै सुरा मुर्खहरु भन्दा भरपर्न लायक हुन्छन् ।
लोकतान्त्रिक पध्दति अन्तर्गत कार्यगर्दा केही प्रकृयागत ढिलाई हुन सक्छ ।बिचार सुन्ने सहिष्णुता र छलफल गर्ने धैर्यता चाहिन्छ लोकतन्त्रमा ।निरङ्कुश तानाशाही तन्त्र छलफलको " झञ्झट" बाट मुक्त र छिटो काम हुने ब्यबस्था लाग्न सक्छ । तर लोकतन्त्र नै उत्तम हुन्छ,निरङ्कुशतन्त्र होइन ।
